Chie bolit arribai a Aristanis cun sa màchina in is dìs de sa Sartìllia depit arribai a mengianu chitzi o lassai sa màchina a tesu dae su centru stòricu.

Difatis non si podit passai in meda logus ca is rugas funt serradas (ruga de Santu Srebistianu, ùrtimu tretu de sa ruga de Pontixeddu, sa Porta, ruga de Santa Maria, ruga de Corte de su Marchese, unu tretu de sa ruga de sa Majoria, ruga Ciutadela de Menorca, ruga de Santu Antoni, unu tretu de via Cagliari, via Diego Contini) e is parchègius de is rugas a canta de su centru stòricu funt prenus giai dae chitzi.

Is parchègius pùbblicus disponìbilis prus a canta funt is de via Cagliari – via Carducci (palatzus Saia) [A], de su tribunali (intrada dae via San Francesco d’Assisi [B], via Verdi (a canta a sa Banca de Itàlia) [C], via Mariano IV (a faci a s’ufìciu centrali de is postas) [D]. Funt unu pagu prus a tesu is parchègius in pratza San Martino (a canta de s’Ispidali) [E], e San Nicola (tra su campu Tharros e is palatzus finantziàrius) [F].