Aristanis est in mesu a sa piana de su Campidanu, in sa costa ocidentali, in mesu a sa Sardigna; est fàcili a arribai po is chi benint cun sa navi (portus de Cagliari, Olbia, Golfo Aranci, Porto Torres, Santa Teresa di Gallura, Arbatax) o cun s’aeroplanu (Alghero, Olbia, Cagliari).

CUN SA MÀCHINA

Chie arribat cun sa màchina dae sa strada statali 131, sa principali de Sardigna, podit intrai dae cuatru logus: dae nord, dae est – Silì e Fenosu – e dae sud – Santa Giusta.
Pighendi sa strada statali 292, sa litorànea chi permit de bidi logus bellus meda dae Alghero a Aristanis, s’arribat a citadi passendi po Bosa Marina, Tresnuraghes, Santa Caterina e sa pineta de Is Arenas.

CUN SU TRENU

In citadi c’est unu collegamentu ferroviàriu bellu meda e in sa statzioni ci funt servìtzius importantis po sa genti (taxi e corrieras de su servìtziu de trasportu pùbblicu urbanu). Aristanis est collegada cun is prus importantis statzionis de trenu de Sardigna (Cagliari, Sassari, Olbia).
Po scidi oràrius e informatzionis ligi su situ de trenitalia.

CUN SA CORRIERA

A Aristanis si podit arribai dae logus meda de Sardigna fintzas cun sa corriera. In su situ internet de sa Regioni Sardigna c’est unu motori de ricerca chi agiudat a s’ispostai.